فهارس الكتب عناوين الكتب محتويات الكتب أسماء المؤلفين الكل          البحث   

مكتبة الاثنينية
الرئيسية > كتاب الاثنينية > الأعمال الكاملة للأديب الكبير الأستاذ حمزة شحاته > الأعمال الكاملة للأديب الكبير الأستاذ حمزة شحاته - الجزء الثالث - النثر > إلى ابنتي شيرين > (52) يا أم هاني
(52) يا أم هاني صلّي على النبي واعقلي وسمّي بالرحمن.. المثل يا بنتي بيقول: اللي يتحرق من الشوربة.. ينفخ في الزبادي.. واللي يقرصو الحنش يخاف من الحبل.. أقول لك الحق.. التفكير في نشر الرسائل، بلاهة، إن لم يكن انحرافاً في التفكير.. والحمد لله أهيه العدوى انتقلت إلى آدم.. ويا خوفي على منقرع الصغير.. أديكي لسه ما أخذتِ شهادة التاريخ وقد أصبحت عقولنا جميعاً في ذمته.. أمال لما تاخديها، ح يكون مصير العالم في ذمة مين؟ عصارة بالكهربة إيه؟ وتشتغل دقيقة! ويخشى عليها من الماء، دي لازم كبسولة فضاء، يلزم لإدارتها عقل إلكتروني، ومحطة متابعة.. اللهم لا اعتراض.. ليه تعملي كده؟ طلبات شطبتها؟ يعني مش عايزها.. يبقى لزومها إيه؟ وجراك عاوزه وبألح في طلبه في كذا خطاب ومع كذا والد ووالدة، وفي كذا وكذا مناسبة، وأطلبه من القريب والبعيد يبقى يتأخر ليه؟ وبس هات يا بهارات.. وعصارات.. وجوابات.. ويا أعظم بابا في الدنيا ويا نابليون الحتة، ويا تولستوي الحارة، ويا نهرو البلد.. يا بنتي روقيها وخلينا في حالنا؟ احنا مش لاقيين علبة جراك.. احنا مش لاقيين بني آدم يوحد الله ويفهم اللي عاوزينو.. وإلا مش.. جبنة.. كلّو محصّل بعضو.. فلقتيني والله.. حتى جوزك حصّلك وبقينا على الله.. عاجبك كده مبسوطة؟ شطبت البوتاجاز وكل طلب سابق ولاحق.. وكفاية كده وحياة جيوكنده وبيكاسو.. وداعاً يا تاريخ ما هرب منه التاريخ ليلقي بنفسه في نهر الجنون. حمزة شحاتة
طباعة تعليق  القراءات :469  التعليقات :0
صفحة 54 من 99

من اصدارات الاثنينية

الاستبيان

هل تؤيد إضافة التسجيلات الصوتية والمرئية إلى الموقع
	تسجيلات كاملة
	مقتطفات لتسجيلات مختارة
	لا أؤيد
النتائج