كتبت من الشعر من كل معنى |
ولكن وصف زينك ما بلغنا |
أنا وش لون أوصف زين روحك |
وذاتك حسنها ما قد شهدنا |
أشوف الصبح في طلعتك باسم |
وبك خجلة غروب الشمس شفنا |
تجي مثل الكرى سلطة حضورك |
وما تبغيه من حلم حلمنا |
نشيت بعالمي منشا سحابه |
يسابق نبتنا فيها زهرنا |
أحبك حب صقار لطيره |
يعفا النوم لو ريشه تثنى |
وأحبك حب شاعر للقصيدة |
إذا جت وإن عيت يونى |
وأحبك حب كفنان لفنه |
عصر روحه على شانك تغنى |
وأحبك حب هاوي للهوى |
قضى عمره ولا أدرك ما تمنى |
واحبك حب من يفداك عمره |
فتح قلبه وخلاك اتحنى |